Afghan ram , Paktika ramthen ih linghnin ah mi 920 an thi ih, hriamhma ngah tampi an um tin Afghan cun thu an suah.
Afghan ram sungin ramthen 4 cun linghnin an tuar ih, mithi le hriam ngah an tam sinsin thei lai. Linghnin cu Afghan ramri India le Pakistan khalin an rak thei ban. June 22 zingah linghnin a si ih, mipi tampi an it that lai caan a si ruangah mipi thih phah an tam.
6.1 Magnitude tlukin naa in ling a hnin tin mithiam pawl cun an sim ih, linghnin ruangah inn cim tampi an um. A tamsawn cu inn cim ih nenthatmi pawl an si ih, hriam ngah mipum 600 hrawng an um. Hriam ngah lamin besia tampi an um ruangah mithi cazin khal a danglam thei ringring.
Mihlo tampi an um ih, cupawl khal theitawk in hawl rero an si tlunah mi tampi cu an umnak hmun him lo ruangah hmunhim ah tthawn rero an si.
Leave a Reply