Nigeria ram, Ondo ih St.Francis Catholic biakinn cu may 5 ah meithal keng pawlin an luhcilh ih, bomb an puah tikah biakinn sungih um mi 50 tlun an thi tin Pastor pakhat cun leitlun media a simthei.
Ondo palik cun “Biakinn sungah khawmnak caan hmang rero lai an si ih, meithal kengtu cun biakinn sung siseh Biakinn leng khal a kap ciamco. Meithal lawng kap loin bomb an puah tel tikah mi 50 tlun an thi ding.
“Tu ahcun zo pawlkom in hivek an tuah, ziangsi an duhsan timi felfai in kan thei hrih lo. Nigeria ram ah hivek thleng nawn lo dingin kan fimkhur dingih, kan zuam ding. Hitluk siatnak cu a rapthlak tul lawlaw. Ziangsi an duhsan kan thei hrih lo a si,” tin a sim.
Nigeria ram ah Muslim misual pawlkom pawl rapthlak zetin an cangvai ringring ih, kum tinten bomb puah in Christian pawl an that ringring. A caan ah tlawngta nauhak tampi tivek an kai ih, rei tuktuk an khum. Tuitum biakinn sungih bomb puak ah mipum ziangzat ciah an thi timi cu Nigeria cozah in an than fel thei hrih lo ih, mipum 50 tlun an thi tilawng in mipi an theihter hrih.
Leave a Reply