A tufang ah Russia cun Ukraine nisuahnak lam cu nasa ten an do ih, ralthuam phunphun an hmang. Hivek ruangah Ukraine cun US hnenah Russia tiang kap thleng thei bomb kahnak an dil. Cucu, Biden in Ukraine dilnak a let fel zo ih, Ukraine hnenah Russia tiang kap thei Bomb kahnak kan pe lo ding tin media a simthei.
Russia in Ukraine an do hnuah US cun theitawk in Ukraine an bawm rero nan, Russia tiang thleng thei bomb kahnak cu pek an tum lo. Hivek cu US le Russia buaknak tiang suakter theitu a si ruangah US in Ukraine hnenah Russia tiang kap thei Bomb kahnak an pek tumlonak a si ding tin hrekkhat cun an sim.
Russia cun thla 3 sung Ukraine an do zo ih, tu ahcun Ukraine nisuahnak lam hmun khat hnu hmun khat lak vivo tumin nasa ten an do. Hivek caan ah ramdang pawlin Ukraine cu ralthuam le sumpai in an bawm rero nan, Ukraine in Russia tiang kap thleng thei bomb kahnak ramdang an dilmi cu pe tumtu zohman an um lo.
Leave a Reply