A tufang leitlun a buai ih, Russia le Ukraine an doawk rero laiah China cun Nuclear ralthuam tha tuk an tuah suak thu leitlun an theiter ih, an hmannak ding khal an rel.
China cun “China in Nuclear tha tuk kan tuahsak. Asinan, midang donak ah siloin kanmah le mah humhimawknak ah kan hmang ding. Kanmah in dotu le in ngiartu an um asile cumi hrangah kan hmang ding. Kanmah cun midang ummen donak ah kan hmang lo ding. Hivek cu kanral a simi pawl lakin kan humhimawk theinak dingah tuahmi a si ih, tuah dante kan thei a si,” tin Chinese Defence Minister Wei Fenghe cun leitlun a theihter.
Tu ah China le Taiwan karlak a tha lo deuhdeuh ih, China cun US cu Taiwan bawm rero lo dingin ralrinnak a pe rero. Hivekin China in US ralrinnak a pek men ah US dungsip an tum lo ih, Taiwan bom vivo an tum. Hivek ruangah China an thinheng tukih, Neclear thar tha tuk an neih thu leitlun theih ah an ausuahpi.
Leave a Reply