Russia in Ukraine an donak thla 4 a kim zik cuahco thlangih, ram pahnih cu remawknak zianghman an nei thei hrih lo. US le NATO pawlkom cun theitawk in Ukraine an phurter ih, ralthuam an bawm phah. Cutin, Ukraine cun Russsia ralkap pawl do in an ram an humhim rero lai.
Ram pahnih thla 4 zik an doaw nan, Russia lam duh vekin hmailam an pan thei cuang lo. Asinan, Russia president Putin cun kan tumram kan thlen hlanhlo kan feh vivo ding tin a tongsuak.
Putin cun “Russia in Ukraine kan donak san taktak cu US le NATO pawlkom ruangah a si. Anmah pawlin Ukraine do dingin ziangkim an tawlrel. Curuangah, Ukraine kan thuahfai ding kan ti cun kan tumram kan thlen hlanhlo kan do ding. Russia ralkap pawl cun rampi thatnak ding le mipi humhimnak hrang an theitawk an suah vivo ding.
“US le NATO cun kan siatnak ding lawng khua an khangih, kanmah hremnak ding lawng an buaipi. Asinan, in be duhtu pawl hrang kan ongaw ringring. Leitlun sumpai dinhmun a tlakniam vivonak ah NATO lam cun in puh nan, kannih cun zohman kan puh lo. In hremnak khal kan buai phah lo. Kannih cu micak miphun kan si ih, kan buainak cu kanmah ten kan tifel thei ringring a si,” tin a tongsuak.
Leave a Reply