Covid 19 natnak hman a reh fel hrih hlanah natnak cikhat Europe lamin an tuar rero zo ih, khat le khat kaiawk a theih thu zingzoitu pawl cun an sim.
Natnak thar an hmuhmi cu zawng natnak tin hmin an pe ih, minung taksa ah bol in a lang. Monkey Pox an timi natnak thar cu Uk, American, Spain le Portugal ram pawl ah an hmu zo. UK le Portugal ahcun nat an hmuh veten midang rinhlelh 23 tlun an hmu cih, rampi huapin ralring dingah mipi an theihter zo.
Natnak thar an hmuhmi cu cuap lamah a tuan tin an sim nan, khat le khat nupa sinak hman tikah kaiawk a theih tin an sim. Hrekkhat cun palepa sual tivek ah kaiawk a olsam cuang tin harhdamnak zung lam cun thu an suah.
American in nat nei thar an hmuhmi cu Canada in tlung a si tin an sim ih, Portugal ah zong natnak nei fel mi 5 an hmu zo. UK ah zawng natnak nei mi 7 an hmu zo ih, pakhat cu Nigeria ihsin tlung palepa sinak hmang a si tin an tarlang.
Leave a Reply