Chinram Ah Ralhrang In Raldonak Vanzam An Hmang – Chin ramkulh Paletwa peng sungih AA le ralhrang doawknak ah ralhrang cun tlunzuang raldonak an hmangih, khua mipi pawl cu Mizoram lamah an tlan bet ciamco.
Paletwa peng sungah AA le ralhrang doawknak a sosang tukih, thla 1 lenglo an do aw zo. Neta bik Paletwa ih an doawk tumah ralhrang 10 an thi tin AA cun thu an rak suah zo. September 1 khalah AA le ralhrang Paletwa peng sung Mik-wah khua kiangkap ah an do aw. Doawknak ah ralhrang cun tlunzuang raldonak an hmangih, mipi hrang a him lo ruangah Mizoram lamah an tlan ciamco.
Mizoram ih tlan Paletwa mipawl cu Yong Lai Association pawlin fangfai dip 55 in an rak bawm. Paletwa peng sungih doawknak ah Mizoram lawngah siloin Paletwa khawpi feh raltlan khal an tam deuhdeuh. Paletwa khawpi bik ahcun AA le ralhrang an do aw hrih lo ih, Paletwa peng khawte lamah do aw an si.
Chin ramkulh Paletwa ahcun Myanmar rampi a buai hlan ihsin raltlan tamtuk an rak um zo ih, khua lamih tlung thei hrih lo an tam. Ralhrang in rampi thuneihnak an lak hlanpi ihsin AA le ralhrang pawl cu Rakhine ramkulh le Paletwa peng sungah an rak do aw rero zo. Ralhrang in rampi thuneihnak an lak hnuah AA le ralhrang an do aw hngal lo nan, 2022 hnuin AA le ralhrang khal Rakhine ramkulh le Palewa peng sungah do aw ciamco sal an si.
Ai an tum.
Thaang prang 7 le ralhrang innsang pahnih, an zaten ralhrang 9 an rak kap that ih, anmah cu ralthuam famkim thawn an rak tlan. Tu ahcun pakhat an kai zo ih, pakhat sawn a luat hrih.
lo ruangah kan kai ve. Daan an thlun lo ruangah hna harsa tuan dingin le kum 1 sung thawngtla dingin hremnak pek an si,” tin thu an suah.
Min Aung Hlaing Russia A Feh Ding – Ralhrang ralkap hotu Min Aung Hlaing cu September 4 ah a rualpitha Russia ram a pan dingih, September 11 ah Myanmar ah a kisal ding tin’ ralhrang sung thu a suak.
September 3 ah Min Aung Hlaing cun Yangon in Nipidaw a pan dingih, Nipidaw ah zan a riak ding. September 4 ,zinglam nazi 8 ah Nipidaw suahsan in Russia ram a pan ding. Russia cun September 5 in 8 tiang an tuah dingmi Avei 7-nak Eastern Enonomic Forum hrang Min Aung Hlaing an sawm ih, cumi hmang dingin Min Aung Hlaing cu Russia tlawng ding a si.
Ralhrang hotu sangtu Soe Win khal August 26 ah Russia a rak tlawng zo ih, Soe Win cu International Army games puaipi hmangin Russia ram rak feh a si.
Ralhrang in rampi thuneihnak an lak hnuah Russia cun ziangkim ah ralhrang ralkap an tuanpi ih, khat le khat an tlawng rero zo. Min Aung Hlaing khal rampi thuneihnak an lak hnuah Russia a rak tlawng rero zo. Tu khalah ralhrang ralkap le Russia cu ralthuam lawng siloin sipuazi tiangah tuantlang vivo tum an si.
Taiwan In China Drone An Kap Tla – China le Taiwan ram buainak ah China cun vei tam tuk Taiwan ramri sungah an vanzam an zamter zo ih, Taiwan cun China hnenah ramri lan lo dingin an rak simthei rero zo.
Tuitum ahcun China vanzam siloin China Drone sawn ramri lanin Taiwan tipi tlunah a zam ih, Taiwan lamin an rak kap tla. Makzet cu Taiwan ih kah thlakmi Drone cu China cozah ta siloin Myanmar mipi hrekkhat in Taiwan lam zingzoinak hrang an man zamter hrimmi tin an sim.
Tutiang cu China mipi ih hmanmi Drone kah thlak a si thu ah China lam cangvaihnak thar ciamco an nei lo. Asinan, ramri ahcun ram pahnih boruak a thatlonak a rei zo.
Taiwan Prime Minister cun ‘Tuitum ah China lamin Drone pakhat kan ramsung ah a zam. Vei tampi ralrinnak kan pe rero zo nan, ramri lanin kan ram sungih Drone an zamter ringring ruangah Drone cu kan rak kap thla. Hivek ih kan cangvaih dan cu leitlun ralkap dankalh a silo ih, ramdang khalin in theihthiampi tuk ding tin kan ruat.
“kan ramri lanin cangvaihnak hrimhrim cu ziangtik hmanah kan pom dah lo ding. Vei tampi ralrinnak kan pe rero zo cingin an thlun lo ruangah September 1 ah drone pakhat kan kap thla. Hmailam khalah kan ram le miphun humhimnak ding theitawk suah in kan cangvai vivo ding a si,” tin a sim.
Leave a Reply