UK Prime Minister Boris Johnson cun a hna kaih laimi a fehsan ding thu july 7 ah thu a suah ih, a aiawh an hrilfel hlansung cu a hna a kaih hrih a tul ding thu khal a rel.
UK prime Minister bik a ban ruangah an party cun Party hotu ding hril dingin timtuahnak an neih cih hngal ih, UK Prime Minsiter thar khal hril ding an si.
Boris Johnson cun “Kan hna in ka ban ding ruangah mi tampi cu an mangbang zet ding. Hrekkhat cu an lungawi dingih, hrekkhat cu an riahse ding. Kei ka hrang ahcun mipi ka rian theinak le leitlun ih hna thabik bansan ding ka si ruangah ka riahse tuk a si,” tin a sim.
Dotu party pawl cun zamrangten Prime Minister thar nei ding kan si tin an nor rero ve. Uk Prime Minister Boris Johnson cu nunau sualpi thubuai nei a si ih, a hna ihsin bang dingah mipi le cozah hruaitu pawl cun an rak phut reo zo.
A thok ahcun ka him, curuagnah ka hna ka bansan lo dingin tin thu a suah rero nan, tu ahcun mipi le a party sungtel rori in a hna ihsin bang dingih an nor natsat tuk ruangah a hna a bansan ding thu mipi a theihter ve zo.
Nunau sualpi thubuai nei lo sehla leitlun in hruaitu tha an timi a si ve ih, dik lo zetih thuneihnak fehpitu ram pawl cu a do ih, UK hmin in leitlun ramdang Democracy ram pawl dinpi rerotu a si. Ukraine le Russia buainak khalah nasaten Ukraine a bawm, a dinpi ih , Myanmar buainak khal Myanmar mipi dinpitu le ralhrang pawl hremnak pe rero zotu a si.
Leave a Reply