Shan ramkulh Naung Cho myone fimzirzung cu may 31, sun nazi 2 hrawngah bomb puah a si ih, zung sungih um mi 5 hriam an ngah phah.
Khuami pakhat cun “Bomb puak a ring lawlaw ih, a sung thilri tampi a siat phah tlunah a sungih um mi 5 hriam an ngah. Tutiang cu mithi an um thu kan thei hrih lo. Zopawl in bomb an puah timi kan thei lo ih, tu ahcun ralhrang ralkap pawl an khat thluh zo,” tin a sim.
Ralhrang ralkap cun may 26 in tui kum hrang tlawng hmin pek a theih tin thu an suah ih, June 2 in rampi huap tlawng phuan an tum.
Makui ramthen Puak myone khalah ralhrang ralkap ih zawh ringringmi lilawn cu may 30, zan nazi 11:55 hrawngah mipi ralkap pawl in bomb in lilawn an puah siat.
Ralhrang ralkap cun Puak myone lilawnpi cu Puak myone sung an cangvaih ding tinten an zawh ringringmi a si. Hivek ruangah Pauk myone ah ralhrang pawl duhtawk in feh thei nawn hlah haiseh tin makui mipi ralkap komkhawm cun bomb an puah.
Leave a Reply