Makui ramthen Htilin myone sungih cangvai mipi ralkap cun Htelin myone sungih pehtlaihnak company zaten ralrinnak an pe ih, Internet an pe lo asile ziang company tikhal um loin tower zaten an siatsak thluh ding thu an theihter.
Htelin PDF hotu cun “Kannih Htelin myone ahcun phone call rori hman kan harsat, a luh lo caan a tam. Pehtlaihnak lam kan harsa tukih , mipi hrang dil kan si. Tu ah kan dilmi an ngaihsak lo ih, an pitlin lo asile Htelin myone sungih Tower zaten kan siatsak thluh lawlaw ding a si,” tin a sim.
Htelin PDF cun may 12 ah pehtlaihnak company pawl theihternak ca an suah ih, thla thar tiang Company pawl an hngak ding. Thlathar khalah internet line an ngah tha cuang lo asile ziang company ti um loin tower zaten siatsak thluh ding thu an casuah ahcun an tarlang.
Leave a Reply