Covid 19 natnak ruangah le ram buainak ruangih an kharmi ramsung phunsang tlawng pawl cu ralhrang ralkap in ong dingin timtuahnak an nei ih, Kalay phunsang tlawng khal May 12 ah an ong thok.
Ralhrang cun April 18 in phunsang tlawng kai peh duh hrang hminpe dingin thu anrak suah zo ih, tuini tiangah phunsang tlawng kaipeh dingin hminpe 362 an um tin thu an suah. Kum khatnak kai dingin hminpe 60, kum hnihnak kai dingin hminpe 72, kum thumnak kaipeh dingin hminpe 48 le Master zirpeh dingin hminpe 78 an um. 2020 kum ih phun 10 ong lakin phunsang tlawngkai dingih hmin rak pe cia 104 an um.
Kalay phunsang tlawng ah tlawngkai ding tlawngta 9175 an um nan, tui kum hrang tlawngkai peh dingih hminpe 362 lawng an um ih, ni khatnak may 12 ah a takin phunsang tlawngkai 22 an um. Tuikum ah phunsang tlawngkai peh dingin hminpe 362 lakin tlawngta 340 pawl cu ni khatnak ah an lang lo ih, an pelh.
Leave a Reply