Kum 10 Sung Myanmar President Țuan A Theih Titu Min Aung Hlaing

Kum 10 Sung Myanmar President Si Tum Min Aung Hlaing – Ralhrang hotu Min Aung Hlaing cun Myanmar ram president sinak kum 10 ttuan a theih thu UN palai a rak simthei ih, daan vek asile caankhat hrang kum 5 cu caanhnih tuan peh thei a si tin a rel.

Min Aung Hlaing cun UN palai hnen ahcun “Tuih ka tummi cu Myanmar ram thansohnak ding le hmailam a pan theinak ding a si ih, ka hnatuan sung cu caan bikhiah a um. Hmailam thansohnak ding pawl cu hrilawknak kan tuah tikah a nehtu pawlin an pehzom ding. Kan ram daan vek asile Myanmar ram president sinak cu caanhnih a peh theih ih, caankhat hrang kum 5, caanhnih hrang kum 10 a si. Cucu, kum 10 sung hrilawknak ih nehnak cotu ding president in a takin a fehpi thei a si,” tin UN palai a simthei.

Min Aung HLaing in UN palai a simtheihmi tongkam pawl cu anmah ralhrang in August 19 ah ca in a suah. Min Aung Hlaing in ziangtin rampi president tuan a tum timi cu an tarlang tel lo. 2008 Myanmar daan hrampi ah president in caanhnih sung hrang kum 10 president a tuan thei timi a um lo.