Min Aung Hlaing In Putin A Porh

Min Aung Hlaing In Putin A Porh – Ralhrang hotu Min Aung Hlaing cun Russia President Putin cu leitlun dinak hrang hruaitu tha a si tin a porh.

Ralhrang hotu Min Aung Hlaing hi tu ah Russia ih um rero lai a si ih, tuitum Russia a feh cu Russia president Putin thawn meeting ah an tongaw thei. Cumi ahcun Min Aung Hlaing khalin thusimnak a nei ve.

Min Aung Hlaing cun “Nang Putin cu Russia president lawng siloin leitlun hruaitu na si timi khal ka lo simthei duh. Ziangruangahti asile leitlun remdaihnak hrang theitawk zuam rerotu na si. Russia na hruai hnu ihsin Russia ram cu leitlun dinhmun sang thlengfang an si.

“kan ram buainak cu thatlam a pan vivo thlangih hmaikum ah hrilawknak tuah kan tum. Hrilawknak kan tuah tikah zalen zetin mipi in vote an pe thei ding. Tuitum hrilawknak kan tuah tummi cu ramdang nornak ruangah a silo ih, kanmai tuah dingmi rori a si ih , a dikmi hrilawknak a si ding,” tin a sim.