N.Korea In Missile Kapsuak Bet

N.Korea In Missile An Kapsuak Bet – N.Korea cun March 16 zingah Missile an kapsuak betih Japan tipi lam an bat. Tuitum ih N.Korea lam Missile an kahsuaknak san cu an ramri S.Korea president le Japan Prime Minister an tonawk ding ruangah a si.

N.Korea cun an ramri S.Korea le Japan tei pahnih tongaw in thureltlangnak an neih ding cu an duh lo ih, anmah phiarnak ,anmah N.Korea siatnak rel dingah an ruat ih an duhduh an duh lo. Curuagah S.Korea president le Japan Prime Minister an tonawk hlanah N.Korea cun Missile an rak kapsuak. Asinan, Japan Prime Minister le S.Korea president cun an tonawk ding an thulh phah cuang lo ih March 17 ah tongaw ding an si.

N.Korea cun March 9, March 11 le 13 pawl khalah Missile an rak kapsuak zo. Hmaisa ih Missile an kahsuakmi 3 pawl cu USA le S.Korea in raldo zirtlangnak an neih ruangah cumi duhlonak langter in Missile an kapsuak. Asinan, S.Korea le USA cun ram pahnih raldo zirtlangnak an neihmi an bansan cuang lo.

N.Korea lam cangvaih dan ah ram picang le thinlung pitling sawn USA, S.Korea le Japan pawl an sup aw ringring nan, ziangtik tiang an sup aw thei ding timi cu theih a silo.