NUG cozah cun an kuthnuai ah PDF tatyin 257 an um ih, anmah thawn dothlengnak ah tuantlang dingin lungkimnak an tuahpimi pawlkom 500 tlun an um. Curuangah, ralhrang cimti thei zo kan si ih, timtuahnak kan nei rero lai tin an sim.
NUG cozah in lailak president Duwa Lashi la cun “Nikum ah kekar dan ding phunphun kan tawlrel zo ih, tui kum ahcun ralkap lamah nasa ten pum kan pe. Tu ahcun PDF tatyin 257 kan nei zo ih, kannmah thawn tuantlang pawlkom 500 hrawng khal an um. Hivek ruangah ralhrang cimit dingin timtuahnak kan nei rero zo.
“2023 ah ralhrang hotu Min Aung Hlaing in thuphan hrilawknak tuah a tumih, cucu a takin thleng thei lo dingah kan do ding. Politics dinhmun le ral dinhmun in Min Aung Hlaing ih tummi phih kan tum. Cucu , mipi kan zateih tuanvo khal a si. Kannih hrangih thupibik cu ralhrang hotu Min Aung Hlaing le a kuthnuai pawl cimit ding a si. Curuangah, kan zaten lungrual zetin ke kan kar dingih, mipi khal theihternak kan nei ding a si,” tin a sim.
Leave a Reply