Pakistan Vanzam Thiam Pawl Myanmar An Feh Ding

Myanmar vanzam ralkap pawl vanzam mawn zirh dingin Pakistan vanzam mawn thiam 15 pawl Myanmar an feh ding tin BBC cun a tarlang.

Ralhrang in China tuah vanzam an neihmi JF- 17 an mawn thiam lo ruangah ,Pakistan vanzam mawng thiam pawl cun ralhrang pawl JF-17 mawn an zirh ding. Pakistan vanzam mawn thiam pawl cu Meukthila vanzam hmun le Mingaladung vanzam hmunah an feh ding tin an sim.

Kan dung khalah ralhrang hrekkhat Pakistan ah raldo zir dingin an rak feh zo ih, ralhrang le Pakistan pehtlaihawkna a tha tin an sim.

JF – 17 vanzam cu Pakistan le China tuantlang ih an dinmi PAC vanzam tuahnak cetzung in an tuahsuakmi a si ih, 2015 kum ah ralhrang ralkap cun JF-17 vanzam an rak lei.