Ralhrang Hnuaiah Party 17 In Sinak An Dil – Ralhrang ralkap in hrilawknak tuah an tummi hrang ramsung party zate cu party sinak thar dilsal dingin a theihter ih, March 28 tiang caan an rak pe. March 28 tiangih party sinak dil lo cu an party hlonhlo lanta a si ding tin an sim.
Tutiangah ralhrang hnuai ih party sinak dil 17 an um zo tin UEC lam cun an sim. Party sinak dil 17 lakin party 5 pawl cu rampi huap dinhmun in hrilawknak teltum an si ih, party 12 pawl cu ramthen le ramkulh lawngah hrilawknak teltum an si.
Rampi huap dinhmun in hrilawknak teltum party 5 pawl cu ပြည်ထောင်စု ကြံ့ခိုင်ရေးနှင့် ဖွံဖြိုးရေးပါတီ၊ နှင်းဆီပါတီ ihsin hminthleng ပြည်ထောင်စု ဒီမိုကရေစီပါတီ၊ ကျားဖြူပါတီ ihsin hminthleng ရှမ်းနှင့်တိုင်းရင်းသားများ ဒီမိုကရက်တစ်ပါတီ၊ တိုင်းရင်းသား စည်းလုံးညီညွတ်ရေးပါတီ le ပြည်သူ့အကျိုးပြု ကျောင်းသားများပါတီ pawl cu rampi huapin hrilawknak teltum party 5 pawl an si.
Ramkulh le ramthen dinhmun lawngih hrilawknak teltum party 12 pawl cu ဖလုံ-စဝေါ် ဒီမိုကရက်တစ်ပါတီ၊ ပြည်သူ့အင်အားပါတီ၊ ပအိုဝ်းအမျိုးသားအဖွဲ့ချုပ်ပါတီ (PNO)၊ မြန်မာပြည်သူ့ဒီမိုကရက်တစ်ပါတီ (MPD)၊ ဖက်ဒရယ်ဒီမို ကရက်တစ်ပါတီ၊ ရခိုင့်ဦးဆောင်ပါတီ၊ ကချင်ပြည်နယ် ပြည်သူ့ပါတီ (KSPP)၊ ဝံသာနုပါတီ၊ ဒီမိုကရက်တစ်ပါတီ၊ ဒီမိုကရက်တစ်အင်အားစုလေဘာ ပါတီ၊ ဒီမိုကရေစီပါတီသစ် (ကချင်) (NDP KACHIN) le အမျိုးသားဒီမိုကရေစီ ပါတီသစ် (NEW NATIONAL DEMOCRACY PARTY pawl an si.
Ralhrang cun 2023, January 26 ah ramsung party pawl hrang daan thar an rak suah ih thla 2 sungah party sinak dil dingin a rak theihter hai. Cumi sungih party sinak dil lo pawl cu party hlonhlo lanta a si ding tin thu an rak suah. Ralhrang cun party thar thawn pehparaw in thuphun phun an suah hrilawknak thawn pehpar aw in cun tuini tiang thusuah thar an nei thei hrih lo.
Min Aung Hlaig In Kuthnuai Pawl Sawmnak A Nei – Ralhrang ralkap hotu Min Aung Hlaig cun a kuthnuai pawl beidong men lo dingin, raltha zetih kekar dingin le thupek thlun dingin sawmnak a nei nonsal.
Ralhrang hotu Min Aung HLaing cun Shan ramkulh Kalaw ih a fehnak ah a kuthnuai ralhrang pawl sawmnak a nei vivo.
Min Aung HLaing cun “Ziangvek dinhmun khalah raltha zet le khoh zetin kekar vivo ding kan si. Cuvekin kan feh vivo thei asile nehnak kan do ding ih harsatnak phunphun kan pahtlang thei ding. Zokhal cuvek thinlung nei ding kan si. Zokhal ralringten um ringring ding kan si ih, thupek thlun ding kan si.
“Ziangvek dinhmun khalah raldo man ringring ding kan si ih, zirmi raldo dan cu a takin hmangsuak thiam ding khal kan si. Thinlung khohzet le tumtah hngetzet nei in ke kan kar a tul. Ralkap pakhat cun a hrangih umciami daan le thupek a thlun hrimhrim ding a si,” tin Min Aung HLaing cun a kuthnuai pawl a sim.
Ralhrang ralkap in rampi thuneihnak an lak hnuah thupek thlun lo ralhrang tampi an um ih raldo paih loih tlan khal an um. Curuangah Min Aung Hlaig cun a kuthnuai pawl cu thupek thlun thiam dingin a sawm non rero hai.
N.Korea In Kiangkap Ram An Hro – Mahten hro rak suang rero N.Korea cun an ralthuam kahsuakmi a kap tlatu an um asile an do cih hngal ding thu an sim.
N.Korea cun 2022 kum sungah bomb zamthei Missile 20 leng zohsinnak an rak nei ih an kaingkap ram pawl cun nasaten an rak mawhthluk. Hivek in kiangkap ram hnaihnok zawngih an cangvaih tikah kiangkap ram pawl khalin neta ahcun N.Kora lam Missile zohsinnak an nei asile kah tlak men ding a si tin an sim.
Cutikah N.Korea lam an sosang zetih kan ralthuam zohsinnak neihmi an kap tla an um asile a kap tlatu ram kan do cih ding tin thu an suah. Tutiang ahcun N.Korea lamih kahsuakmi ralthuam kap tlatu an um hrih lo.
Leave a Reply