Ralhrang In Chinram Ih Mipi An Sormi Pawl An Thlah Hrih Lo – Sagaing ramthen Kalaymyo in Chin ramkulh Tedim peng sungih lut ralhrang pawl cun Kalaymyo ih mipi mawtaw an hman bangin mawtaw mawngtu pawl khal an rak hruaitel ih, tuini tiang mawtaw mawngtu siseh an mawtaw pawl khal an kirsal hrih lo ti’n mawtaw neitu pawl cun an sim.
Mawtaw neitu pakhat cun “Ralhrang in kan mawtaw an hmang lawng siloin mawtaw mawngtu pawl khal an hruai thluh. Mawtaw cu anmah ralhrang pawlin an mawngih an kiangah kan mawtaw mawngtu pawl an toter. Ralhrang pawl cun anmah sungin mawtaw tuah thiam pawl khal an hruaitel cia ih ziangruangah kan mawtaw mawngtu pawl an hruaitel timi kan thei lo. Tutiang an thlah hrih lo tikah pakhat khat an ton ding kan phang tuk a si,” tin a sim.
Ralhrang ralkap mipum thenkhat cun March 7 ah Kalaymyo in Chin ramkulh Tedim an rak pan ih, March 9 ah ralhrang mawtaw 30 hrawng cun Kalaymyo in Chin ramkulh Tedim an lut bet. Tu ahcun ralhrang pawl cu Falam peng Khuaimual khua an thleng zo ih March 15 zan khal ralhrang pawl khuaimual khua ah an riak tin an sim.
Ralhrang pawl cu Chin ramkulh Falam ih ralhrang le Hakha ih ralhrang pawl hrang eiin le ralthuam phur an si ti’n an sim ih Falam an thlen hnu khalah Hakha lam lan vivo tum an si.
Vanlalsailoa hi Mizoram mipi ruat zettu pakhat a si ih, an ram hruaitu pawl khal eiru lo dingin theitawk an rak aupi rero zo. Tu ah amah rori Politics party ih a luh tikah mipi tamzet cun lungawi sopoarten an hlawm ih an hmuak. Asinan, mithen khat cun Pathian thuthang sim hrih sehla ,Pathian thangthat hrih sehla ti’n an rak ui ve.
Vanlalsailoa hi ZPM party sungtel ih a luh zo tikah ZPM palai pakhat dinhmun in hrilawknak ah a tel zum zet a si ih, khawitawk hmunram ah palai a cuh ding timi cu theih a si hrih lo. Chin mipi pawl duhdawk zettu Vanlalsailoa hi Mizoram hruaitu pakhat a si ahcun Chin mipi hrang khalah thatnak tampi a um phah ding ti’n Mizoram ih um Chinmi pawl cun an ruahdan an sim ve.
Party Sinak Diltu 23 An Kim – Ralhrang ralkap hnenih party sinak dilnak party 23 an um zo ih, an lakah rampi huap dinhmun ih cuhtu ding party 5 le ramkulh ramthen lawngih cuhtu ding party 18 an um ti’n UEC cun thu an suah.
Rampi huap dinhmun ih cuhtu ding party 5 pawl cu ကြံ့ခိုင်ဖွံ့ဖြိုးရေးပါတီ၊ တိုင်းရင်းသား စည်းလုံးညီညွတ်ရေးပါတီ၊ နှင်းဆီပါတီလို့ လူသိများခဲ့တဲ့ ပြည်ထောင်စုဒီမိုကရေစီပါတီ၊ ပြည်သူ့အကျိုးပြုကျောင်းသားများပါတီ le ရှမ်းနှင့်တိုင်းရင်းသားများဒီမိုကရက်တစ်ပါတီ pawl an si. Ramthen le ramkulh dinhmun ih cuhtu ding party 18 pawl cu ဖက်ဒရယ်ဒီမိုကရက်တစ်ပါတီ၊ အမျိုးသားဒီမိုကရေစီပါတီသစ်၊ ကချင်ပြည်နယ်ပြည်သူ့ပါတီ၊ ဒီမိုကရေစီပါတီသစ် (ကချင်)၊ လီဆူအမျိုးသား ဖွံ့ဖြိုးတိုးတက်ရေးပါတီ၊ တိုင်းလိုင် (ရှမ်းနီ) အမျိုးသားများ ဖွံ့ဖြိုးတိုးတက်ရေးပါတီ၊ ရခိုင့်ဦးဆောင်ပါတီ၊ ဖလုံစဝေါ်ဒီမိုကရက်တစ်ပါတီ၊ ပအိုဝ်းအမျိုးသားအဖွဲ့ချုပ်ပါတီ၊ ပြည်သူ့အင်အားပါတီ၊ မြန်မာပြည်သူ့ဒီမိုကရက်တစ်ပါတီ၊ ဖက်ဒရယ်ဒီမိုကရက်တစ်ပါတီ၊ ဒီမိုကရက်တစ်အင်အားစု လေဘာပါတီ le ဝံသာနုပါတီ pawl an si.
Ralhrang ralkap cun 2023 January 26 ah ramsung party zaten an hnenah party sinak dilsal dingin thu an rak suah ih ni 60 sung lawng caan an pe. Tu ahcun ralhrang ih caan pekmi ni 10 hrawng lawng a taang thlangih cumi ah party sinak dilsal lo pawl cu an party hlonhlo lanta a si ding tin ralhrang cun an thusuah ahcun an tarlang.
Leave a Reply