NUG cozah in Prime Minister Mann Win Khaing Than cu PDF pawl umnak ah a feh ih, PDF pawl a vehvai hnuah thureltlangnak an nei tin NUG cun thu an suah.
NUG Prime Minister cun “Mino pawl cu hahdam ten fimzir ding nan sinan, rampi in a lo tul caan ah ram duhdawtnak thawn rampi hrang pe aw in, nan tel thei cu ka lo upat tuk lawlaw. Ziang kan tuah ding khalah thinlung pom dan cu thupi bik a si. CDm pawl khal ralhrang hnuaiah hnatuan loin mipi lamah nan ttang ngam ih, ka lo upat tuk lawlaw.
“Ralhrang ralkap in ralthuam rinsan in rampi thuneihnak an lakmi cu tlangpar ralthuamkai pawl thawn tangtlang in kan do vivo dingih , kan neh mai ding a si,” tin PDF pawl a simthei.
NUG Prime Minister cun PDF pawl ih neihmi ralthuam khal a zohfel ih, PDF pawl cun Prime Minister cu ralhtuampi an neihmi khal an zohter. Thu an reltlangnak ahcun PDF lamin tulsammi pawl an rak simthei ve.
Leave a Reply