Makui ramthen Yesakyo myone sungin khua 4 ah inn tamzet ukrangtu ralhrang ralkap pawl cu PDF komkhawm 18 in an kap ih, ralhrang 22 an thi tin thu an suah.
Ralhrang pawl cun Yesakyo myoe sungin PuangKyi khua, Sezua khua, Bihsatkung khua le Zuapuang khua pawlin inn tamzet an urkang sak ih, hmundang ih an feh ding zawng zanlam nazi 3 hrawngah PDF komkhawm 18 cun mipi inn urkangtu ralhrang ralkap pawl cu an kap ih, khat le khat an doawknak ah ralhrang 22 an thi tin mipi an simthei.
Doawknak ah ralhrang pawlin PDF pakhat a ke ah an kap ngah ih, an tuamhlawm rero lai. May 12 sun ih an doawknak ah ralhrang thi an tamih, may 13 sun ah ralhrang pawl cun an tlannak Hlikuk khua an urkang bet. Innkang cu PDF lamin mit dingin an pan ih, ralhrang pawlin an rak bawh tikah PDF pakhat an kap that ngah.
Ralhrang ralkap dotu mipi ralkap komkhawm pawl cu CDSOM, MUAtatyin komkhawm 3, Burmese Guerrilla Force, Myin Gyan RANGER, MGN TIGER, MGN 21 Guerrilla Force (MTGR, GGG, Shwebo Revolution Force, CRF (Myinmu)၊ Black Eagle Defense Force, MG6, MGN 35, Bilung army, Eagle Force le tuansung PDF komkhawm pawl an tel.
Leave a Reply