Rakhine Ahcun Tlawng An Ap Thok Zo

Ralhrang ralkap cun 2022 – 2023 hrang June 2 in tlawng phuan an tumsal ih, Rakhine ahcun tlawngkai dingin May 26 in tlawng hmin an pe thok rero zo.

Ralhrang ralkap cun June 1 tiang tlawng tlawngkai duh hrang tlawng hmin pek a theih tin thu an suah ih, Rakhine ramkulh tlunah Yangon, mandalay, Ayeyarwaddy le Tanintharyi lam ahcun tlawng hmin pe an um rero zo.

Rakhine ramkulh ahcun ralhrang ralkap in tlawng an phuan veten nulepa pawl cun tlawng an rak kaiter rero zo ih, tui kum khalah tlawngkaiter peh an tum.

Kan ram buainak le covid 19 natnak ruangah ram sung hmun tinkim in tlawngta tamsawn cu kum 2 sung tlawng an kai lo zo ih, tui kum ah tlawng an kai lo bet asile kum 3 sung tlawng an kai lo thlang ding tinak a si.

Chin ramkulh Mindat peng sung ahcun mipi uktu in tlawng an rak phuan ve ih, ralhrang phuanmi tlawng siloin mipi tlawnginn ah tlawng hmin pe sawn dingin mipi uktu cun thu an suah ve.