Shan ramkulh Muse myone sung Lashio le Muse lamzin ah mipi mawtaw vek to in feh ralhrang ralkap pawl cu May 4, zanlam nazi 5 hrawngah PDF komkhawm cun an kap ih, ralhrang 20 an thi tin may 12 lawngah thu an suah thei.
Ralrang ralkap pawl cu mipi mawtaw vek mawtaw 5 an hmangih, cumi sungah thupten an to. Lashio in Muse lamih tlung an si ih, Mawtaung khua le Talung khua karlak ah PDF komkhawm cun an rak kap. Khat le khat an doawknak ah ralhrang 20 an thi ih, ralhrang hriam ngah an tam tin PDF lam cun an sim.
PDF hotu cun “Doawknak ah ralhrang ralkap 20 an thi ih, ralhrang 4 hriam an ngah. Doawknak ah kannih PDF lamin miraltha pahnih kan can ih, PDF hriam ngah 3 an um ve a si,” tin mipi a simthei.
Leave a Reply