Karen ramkulh myawaddy myone Wawlay Miang palik sakhan cu Karen ralkap KNDO le an tuanpi pawlin June 13, zinglam nazi 4 in an do ih, ralhrang nungdam in 4 an kaih tlunah PDF 9 an runsuak.
KNDO ralbawi Bosalung cun “Tuizing ah ralhrang palik sakhan pakhat kan lafel. Palik sakhan cu kan urkang sak thluh ih, nungdam in palik 4 kan kai. PDF 9 khal kan runsuak thei. Keimah rori in, zingzoinak nasa ten ka neih hnuah ka naule zuamnak in sakhan la thei kan si,” tin mipi a simthei.
Khuami pakhat cun ‘Zinglam nazi 4 in puak awn phunphun kan thei zo. Khua a van hnu lawngah KNDO in ralhrang palik sakhan an la timi kan thei. Tu ahcun ralhrang pawl cun an sakhan lak kirsal an tum dingih boruak cu a sosang deuhdeuh ding siko. Naivai khua pawl cu hmunhim ah an tlan hrih. Kan boruak hi relcia a theih lo,” tin a sim ve.
Palik sakhan an lakmi cun ralthuampi kahnak zunkhat, meithal zunthum le ralthuam dang hrekkhat an laksak thei. Tu khalah boruak a sosang peh hrih tin an sim.
Leave a Reply