Ralhrang ralkap cun may 26 in tui kum hrang tlawngkaitu ding pawl hmin cazin ap thei dingin thu an rak suah ih, June 2 ah tlawng phuan dingin thu an suah.
Tuini June 1 ahcun ralhrang ralkap cun rampi huap tlawng aptu cazin phuannak an nei ih, ram sung hmun tinkim tlawng ap tambik cazin le tlawng ap malbik cazin khal an tarlang.
Ralhrang thuphuangtu Zaw Min Tun cun “Tui kum hrang tlawng ap tamnak bik cu Ayeyarwaddy ramthen a si ih, tlawng ap ting 9 tlun an um. Pahnihnak ah Yangon ramthen a si ih,tlawng ap ting 7 tlun an um. Tlawng ap malnak bik cu Chin ramkulh a si ih, tlawng ap thawng 20 tlun fang lawng an si.
“Tlawngta nauhak kan cohlan ni May 26 ihsin tuini June 1 tiangah rampi huapin tlawngkai dingih hminpe tlawngta nauhak zaten tan 5.2 an um a si,” tin a sim.
NUG cozah cun mipi pawl cu ralhrang phuanmi tlawngah zohman fale tlawng ret lo dingin thu an suah ih, Kaung For You timi online cazirnak an tuah. NUG cun Kaung For You timi online cazirnak cu June 1 in an ong ih, nazi malte sungah hminpe ting tlun an um zo tin an sim.
Leave a Reply