Ralhrang Ralthuam Tampi An Laksak

Kaya ramkulh Pruso ih doawknak ah ralhrang 10 tlun an thi ih, ralthuam tampi kan laksak thei tin Kaya mipi humhimtu KNDF cun mipi theihternak an nei.

KNDF cun “Pruso in Demoso le Loikaw lamih feh ralhrang ralkap pawl cu Kareni ralkap KA, KNDF, Loikaw PDF le Demoso PDF pawlin nasaten kan do. June 10 in tuini tiang doawknak a sosang hrih. June 12 ih doawknak ah ralhrang 10 tlun an thi ih,ralthuam tampi kan laksak thei.

‘Doawknak ah ralhrang ralkap an thi tam tukih, ralhrang nungdam le hriam ngah pawl cun kiangkap an ukrang tlunah mipi inn sungin an duhduh thil an laksak ih, an ru vivo. Ralhrang hnenin meithal zun 8 tlunah ralthuam dang phunphun tampi kan laksak thei a si,” tin mipi an theihter.