Ralhrang ralkap dinpitu pawlkom suak thar tuitauh cun NLD dinpitu ,tantu le NLD sungtel pawl an that rero ih, may 5 tiang ah NLD sungtel 14 an that zo tin NLD cun thu an suah.
NLD cun “April 21,2022 ih dintharmi tuitauh timi pawlkom cun NLD sungtel le NLD tantu pawl cu hrinhronak ca an kuat ciamco ih, NLD sungtel an kaihmi le an thahmi khal a tam tuk zo. May 5 tiang cazin kan ngah dan vek asile tuitauh pawlkom cun NLD party sungtel 7 le NLD party tantu 7 tin 14 an that zo.
“Tuitauh pawlkom cun NLD sungtel le tantu pawl an kaih hnuah an that ih, an ruang cu lamzin tivek ah an hlon men. Tuitauh pawlkom in NLD sungtel le tantu pawl an kaih caan ah ralhrang mawtaw an hmangih, tuitauh pawlkom ah ralhrang pawl a takin an tel timi a fiang tuk zo.
“Ralhrang in rampi thuneihnak an lak hnuah NLD zung 104 an urkang zo ih , NLD sungtel le tantu pawl ih inn 209 khal an kharsak zo. Mipi inn 14 khal an kharsak zo. Ralhrang ralkap cun mipi 2269 an that zo ih, cumi sungah NLD party sungtel 38 an tel. Ralhrang ralkap cun rampi thuneihnak an lak hnuah NLD sungtel 917 an kai zo ih, 216 cu an thlahsal zo. Tu ah rampi president U Win Myint le rampi thuron Daw Aung San Suh Kyi telin ralhrang ralkap cun NLD sungtel 701 an kai lai a si,” tin thu an suah.
Leave a Reply