Tlangmi Party 11 In Sinak Dil Zo

Tlangmi Party 11 In Dilnak An Nei – Ralhrang ralkap in rampi huap hrilawknak tuah an tummi ah ramsung party zaten party sinak thar dilsal dingin thu an rak than ih, ramsung party 93 lakin party 27 cun ralhrang hnenah party sinak an dil zo.

Ralhrang hnenih party sinal diltu Party 27 lakah party 11 pawl cu tlangpi party an si. Tlangmi party 11 pawl cu ရခိုင့်ဦးဆောင်ပါတီ၊ ရခိုင်ပြည်နယ် အမျိုးသားအင်အားစုပါတီ၊ ခမီအမျိုးသားဖွံ့ဖြိုးတိုးတက်ရေးပါတီ၊ ကချင် ဒီမိုကရေစီပါတီသစ် (ကချင်)၊ ကချင်ပြည်နယ်ပြည်သူ့ပါတီ၊ လီဆူ အမျိုးသားဖွံ့ဖြိုးတိုးတက်ရေးပါတီ၊ တိုင်းလိုင် (ရှမ်းနီ) အမျိုးသားများ ဖွံ့ဖြိုးတိုးတက်ရေးပါတီ၊ မွန်ညီညွတ်ရေးပါတီ၊ ပအိုဝ်း အမျိုးသားအဖွဲ့ချုပ်ပါတီ၊ ကရင် ဖလုံစဝေါ် ဒီမိုကရက်တစ်ပါတီ၊ ရှမ်းနီ (တိုင်းလျန်) သွေးစည်းညီညွတ်ရေးပါတီ pawl an si.

Ralhrang hnenih party sinak dil tlangmi party pawl cu Rakhine ramkulh, Kachin ramkulh, Karen ramkulh, Shan ramkulh,Mon ramkulh le Sagaing ramthen ih um tlangmi pawl an si ih, Kaya le Chin ramkulh ihsin cun party sinak diltu an um hrih lo.

Ralhrang thuphuangtu Zaw Min Tun cun party sinak diltu pawl hrang March 28 tiang caan an pek thu a sim ih, cumi hnu lam cun party sinak dil lo pawl cu an party hlonhlo lanta ding a si tin a rak sim.

Poland In Ukraine Vanzam An Pe Ding – Russia le Ukraine doawknak ah Ukraine cun leitlun ramdang pawl hnenah raldonak vanzam an dil rero nan an hlawhsam ringring. Asinan, tu ahcun Poland in Ukraine hnenah raldonak vanzam 4 an pek ding thu an sim.

Poland cun March 16 ah Ukraine hrang raldonak vanzam 4 an kuat ding thu an sim ih, a takin a thlen theinak dingah nasaten tan an lak ding thu an sim. Poland in Ukraine hrang raldonak vanzam an kuat dingmi cu MIG 29 a si.

Ukraine cun NATO le US hnenah raldonak vanzam an rak dil rero nan, US le NATO cun Ukraine hrang raldonak vanzam an rak kuat thei lo. Tu ahcun Poland hi Ukraine hrang raldonak vanzam kuat hmaisabiktu ram an si ding.

Poland in Ukraine hnenih raldonak vanzam an kuat ding tikah Russia lam ziangtin an cangvai ding timi khal leitlun mipi thusuhnak a tling. Ziangahtile, Russia cun Ukraine bawmtu pohpoh an do cih ding thu an rak sim rero zo. Russia le Ukraine hi kum 1 tlun an do aw zo nan, doawk an cawlhsan thei hrih lo ih , ram pahnih hi Ukraine ram sungah doaw rero an si.