Ralhrang ralkap thuphuangtu Zaw Min Tun cun US cu NUG ramdang palai an ton ruangah a mawhtluk ih, dankalh pawlkom do vekin an lang nan, dankalh pawlkom an tong thotho tin a sim.
US cun ASEAN sungtel pawl cu May 12 le 13 ah Myanmar ram buainak thuhla thawn pehpar aw in meeting a neihpi ih,Myanmar ram buainak fel lohli dingin ASEAN sungtel pawl theitawk suah cio dingin US cun a sawmhai. US cun ASEAN sungtel pawl meeting a neihpi tlunah NUG cozah in ramdang vuanci Daw Zin Mar Aung cu Washongton khawpi ah an ko ih, thu an relpi.
Hivek cu Ralhrang lamin an rak hua tukih, US cangvaihnak an soiseh cih. Zaw Min Tun cun “Leitlun ah thahrumthawh cangvaihnak le dankalh cangvaihnak kan dokalh titu US in dankalh pawlkom an ko ih, an kawm timi cu theihthiam a har ngaingai. US in ziangvek si dankalh pawlkom ih an ruahmi? An cangvaih dan cu a mak lawlaw,” tin a sim.
Hivek in US in NUG palai an ton tikah US le ralhrang pehtlaihawknak cu a se deuhdeuh dingih, ralhrang cun US dungtun san in, China le Russia an naih deuhdeuh rori ding tin Myanmar Politics thiam pawl cun an sim.
Leave a Reply