Premier League Club Man United hmaitlan C.Ronaldo cun Man United a suahsan duh thu Man United hruaitu pawl a rak simthei zo ih, Man United suahsan siang dingin a rak dil.
Hivek thu a suah hnuah C.Ronaldo cu a club Man United player pawl khualtlawnnak Thailand khalah a feh ve lo ih, innsang thil tifel ding a um ti’n Club hnenah cawlh a dil. Club lam khalin tifel na neihmi cu tifel caan kan lo pe ding cawlh caan an rak pe ve ih, Man United cun Thailand ah C.Ronaldo an hruai lo.
C.Ronaldo in Man United a suahsan duh thu Man United hruaitu pawl a sim hnuah C.Ronaldo palai cun C.Ronaldo hrang club thar a hawl ciamco nan, tuini tiang C.Ronaldo hrang club thar a hmu thei hrih lo. Thunetabik suak ahcun C.Ronaldo palai cun club lian le sumpai ngah France Club PGS cu C.Ronaldo lei dingin a zawrh nan, PSG lamin an rak el.
PSG ahcun Messi, Neymar le Mbape pawl an um ih, C.Ronaldo kan ttul hrih lo tin C.Ronaldo palai an rak simthei. C.Ronaldo duhtu ah Chelsea le Bayern Munich hmin khal a lang lawk nan, Chelsea le Bayern khalin a takin C.Ronaldo lei tumnak an nei hrih lo ih, Man United hruaitu pawl an be hrih lo.
C.Ronaldo duhtu lakih an relmi netabik cu Saudi Arabia club an si ih, hlawh tampi pek an huam tlunah Man United lamih duhzatin lei an ngam tin thu a um. Asinan, C.Ronaldo cun Champions League lek hrih a duh ruangah hmundang a hril duh cu zum a si lemlo.
Tu ah C.Ronaldo cun Man United ah zarh khat hrang $400000 a hlawh ih, kum 37 a kim zo fawn Champions league lek thei club dangin a kum le hlawh duhzat pe ngamtu thar an um bet hrih loin ti’n ESPN cun an tarlang.
Leave a Reply