Chin ramkulh Kanpetlet peng sungah CDF Kanpetlet cun CDM tuah loin ralhrang hnuai ih hnatuan peh mi 8 an kaih thu mipi an theihter.’
An kaihmi CDM tuah lo mi 8 pawl cu CDM an tuah lo men lawng siloin CDM tuah pawl an hringhro , an hlawh thupten an rak ei sak tivek in an cangvai. Cumi ruangah CDF kanpetlet cun CDM tuah lo pawl cu ralrinnak an pe rero zo nan,ralhrang hnuai ih hna an tuan peh thotho ruangah kaik an si thu an tarlang.
CDF Kanpetlet hotu cun “CDM tuah lo an si tlunah CDm pawl cu an hnatuan sal dingin an hro. Kannih cun CDM tuah lo pawl cu khua suahsan dingin thu kan suah ve ih,cumi an thlun lo ruangah kan kai. Tu ah kaihmi pawl khal kan thlah thluh zo ih,annih khal khua ah um nawn loin, an suak thluh ve zo.
“Kaihmi 8 hnenin thu tampi kan theisuak ih, hmin cazin khal kan nei thluh. Tui dinhmun Kanpetlet peng sungih umlai CDM tuah lo pawl khal a thar in ralrinnak kan pe ih, ralrinnak pekmi an thlun lo asile annih pawl khal hremnak pek an si ding,” tin a sim.
CDF Kanpetlet ih kaihmi CDM tuah lo pawl cu Kanpetlet myone sayakyi Dr.Aung San Oo, cazin U Van Toe, Cazin, Daw Thuza Aye, Hmunram uktu Htun Tin, Lailak tlawng sayakyi Aye Maung le Fimzirnak zung cangan Daw Sin Ki Ling pawl an si.
Leave a Reply