Mizoram Saiha ah Chin raltlan mino 2 cun raltlan pawl ih bike an rak ruksak ih, Mizoram palik pawlin may 31 ah an kai ngah.
Fihfir Chin raltlan2 cu Salai Moses ( kum 21 ) le Salai Aung Tin An ( kum 20 ) an si. May 31, zinglam nazi 8 hrawngah an kai ngah ih, Chin ramkulh Paletwa myone Sami khua in Mizoram Saiha ah raltlan in um an si.
Tuanvo neitu pakhat cun “Ralhrang ralkap in rampi thuneihnak an lak hnuah mipi tam tuk raltlan in kan um ih, raltlan thilri tampi a hlo zo. Chin mino 2 khal raltlan lakah um an si ih, raltlan pawl bike hlo cazin khal a tam tuk. Rinhlelh an si ruangah kaih an si ih, Kenbo 125 bike 5 le 135 bike pakhat, a zaten bike 6 an rak fir zo.
“Bike 5 cu an rak zuar thluh zo ih, bike pakhat cu an kutah a rak um lai. An firmi thildang khal zingzoi vivo ding an si,” tin a sim.
Mizoram Saiha District sung khalah Myanmar raltlan thawng 10 tlun an um tin anmah zohtu NGO pawlin an sim. Chin ramkulh paletwa peng sungih AA le ralhrang ralkap an doawk tlunah , CDF le ralhrang ralkap khal an do aw phahphah ih, Paletwa peng sungin Mizoram lamih tlan mipum thawng 10 tlun an um tin tuanvo neitu pawl cun an sim.
Leave a Reply