Chin ramkulh Kanpetlet peng sungih Chin raltlan lakin nauhak 7 pawl cu sivai harsatnak ,eiin le umnak tha lo ruangah an thi zo tin buaipitu pawl cun an sim.
Raltlan buaipitu pakhat cun “Kannih Kanpetlet ih raltlan pawl cu an tlan thok ihsin moka te thawn sakmi buk ah um an si ih, a rei tikah an tuar thei nawn lo. Tu ah fur caan kan thlengih thleng tul thluh a si. Kannih lamah a dai tukih, upa pawl an tuar thei nan, nauhak pawl an tuar thei lo ih, an naa cingcing. Curuangah, an hrang sivai le kor hlum tivek khal an tul tuk.
“Kannih kilkhawimi raltlan hmun ahcun khawpi suahsan ih ra an tam ngaingai ih, khua ah tlung thei hrih lo an si. Curuangah raltlan pawl hrang fang, siti, ci tivek an tul ngaingai a si,” tin a sim.
Kanpetlet peng sungin Dayin Du hmun lamih raltlan mipum 300 hrawng an um ih, naupai 25 le pawhfawp lai nauhak 70 an um. Raltlan umnak hmunah sivai an tlasam, eiin an tlasa, sin ding puan le umnak ding tha an nei lo ih, nauhak 7 an thih phah zo tin buaipitu pawl cun an sim.
Leave a Reply