Kan ram myanmar harsatnak ruangah visa tul loin thupten China ih lut Myanmar rammi tamzet kan um ih, hrekkhat an tluanzet lai in, hrekkhat cu tufang ah hnatuan ding nei loin an um tin BBC cun a tarlang.
China ih um pakhat cun “A thok ahcun china ram ah kan buai tuk lemlo nan, covid 19 natnak a suah hnu ahcun China ih um Myanmar mipawl a phunphun in buainak kan nei. Tu ahcun covid 19 natnak ruangah China ram sungah company hloral le bang an tam tuk thlangih hnatuan neilo Myanmar rammi tampi kan um,” tin a sim.
China ih um Chinnu pakhat khalin “Kan ram ih um NulePa unau zaten China(Tuluk) ram ahhin nan theihban loin kan milesa ruak phumawk hi a tam tlang(ahloral khal an tam tlang an thu a kumkum in theilomi mihlo khal an tam thlang. Thawngtla cu thukhat.
“Thu ka run lo cah dingih a lawmmam tuk in ti siang hlah uh. Nan Fate China(Tuluk) ram ah Company hnatuan dingin ka lo hruaisak thei, Company ah hnațuan ka thun thei ti ih an lo biak/khihhmu tikah nan Fate rak thlah nawn hlah uh. Zomi(Chinmi) țangrual in bawmawknak khawnawk le bawm aw theilo can khal a tam tuk,(Hnen um) a țuantu pawl Kan zaten miphun tleidan um loin bawmawknak kan khawngkhawm nan, an nunnak kan run theilomi khal an tam thlang.
“Ziangruangah ti asile danlo(Illegally) ih um kan si ih kan natnak pawl tuamhlawm aw lohli dingin sizung kan pan ngamlo. Cun, in tuamhlawm ngamtu sibawi khal kan ton lo can a tam. Kan hmuh lo ruangah Company sungih an um dan, an ziaza an nun can ka rel lo. Asinan siar ngamlo dingih in simmi thu pawl cu a tampi ko. Cucu ka rel tummi asi cuanglo. Zalennak hin kan nunnak tiang in siatsuah ding khopin kan zalen tikah a phi kan ngahmi cu natnak thihnak a si. Bawmawk thei dan ih țanlaknak Khalin kan run thei lo caan a um ih, thin a naa. Curuangah, tu ihsin China ram ahcun zohman nan fate rak thlah nawnhlah uh timi hi huat ding karlakah ka run lo cah duh.
“Cun, China Company ih hnatuan le inn hnatuan kan zaten kan harhdamnak khal kan ngaisak cio kei uh. Zu a duh mi pawl in in dan thiam uh. Nan nunnak siatsuah nawn lo dingin Pathian hnenah thlacamnak thawn kan bawm aw cio keiuh. Zohman tisan/ngansan ka neilo. Kan ram a har vivo ruangah a ra lai ding can ah Kan nunnak kan humhimawk thei vivonak a si pangah timi ruahsannak thawn a si. A ram sungih umtu lawngin ahar zia kan thei. Lungawi,” tin Chin mipi sawmnak a nei ve.
Leave a Reply