Sagaing ramthen Kalaymyo in Chin ramkulh Saklam Falam fehnak lamzin tluan peng 32-nak ah lamzin a khingih, mipi zokhal Kalay le Falam lamzin zawh hrih lo dingin theihter an si.
Lamzin siatnak kiangih um pakhat cun “Mawtaw fehnak lamzinpi a khingmi a si ih, a khing sau ngaingai. Hmun hrekkhat ahcun lamzin min khal a um zo. lamzin hmin le khing ruangah zohman an feh ngam lo ih, an kirsal tlangpi.
“Kalaymyo in Falam lamih feh pawl cu lamzin khing ruangah an kirsal thluh. Ziangahtile , nunnak thapih feh ngam ding ci a silo. Tutiang cu lamzin thianfaitu ding le tuahtu ding awm kan hmu hrih lo.
“Lamzin siatnak bik cu mipi fiang dan dingin kan rel asile Taingen khawsuah Falam lam fehnak zin a si ih, mawtawte khal feh a ngah lo. Mawtaw te hman feh a ngah lo cun mawtawpi sinsin cu feh ngam ding ci a silo. Feh a ngah tikah kan simthei aw leh ding a si,” tin a sim.
Leave a Reply