leitlun Mindat pawlkom in Chin ramkulh Mindat peng sung raltlan hrang bomnak tangka ting 2000 kyat tlun an kuatmi cu mi pakhat in a rak ru tin Mizoram Mindat pawlkom in thu an suah.
Ramleng ih Mindat pawlkom cun bomnak tangka an hmuh khawmmi cu Mizoram ah an kuat hmaisa ih, india tangka in ting 96,5 hrek a si. Myanmar cun ting 2000 tlun a si ih, Mizoram in Mindat ah kuat sawng dingmi a si.
Bomnak tangka cu Mizoram ih thleng NLD palai theihpinak in Myanmar suak, Mizoram ih um hnget mi pakhat Mangliana , Emma ti ih an kawhmi bank account an thun lut. Emma cun a bank sungih lut Ting 96.5 rupee cu a suah thluh ih, a tlanpi. Ramleng ih um Mindat pawlkom cun 2021, September thla ah bank 3 ah tangka an rak kuat.
Mangliana (Emma ) cu Aizawl khawpi Zarkawt vengah um a si ih, a pa cu Thantlang peng Dawn khuasuak Pu Roland a si. Emma cun suahpi unau 9 a nei ih, cumi lakah Emma cu upabik a si. Emma ih nupi cu Lalenmawii a si ih, kum 3 mi fa pakhat an nei.
2021, September thla khalah ramleng Mindat ih sumpai kuatmi ting 8 tlun cu mi pakhat in a rak tlanpi zo. Asinan, Mindat hrang bomnak tangka ting 8 tlun latu ih thuhla cu social ah pholang a si ih, neta ah a kuan thluhsal.
Leave a Reply