NUG cozah in Federal Democracy uk dan thawn pehpar aw in ca an suahmi paruknak cu mipi lam an lungkim lo tukih nasa ten NUG ih casuahmi cu an mawhthluk. Cutikah, NUG cozah in Federal vuanci Dr.Lian Hmung Sakhong cu NUG cozah hrang a dingsuak ih, an casuahmi thuhla thawn pehpar aw in mipi simfiangnak a nei.
Dr.Lian Hmung sakhong cun “Federal Democracy uk dan thawn pehpar aw in mipi simfiangnak thu 5 kan rak suah zo ih,buainak zianghman a um lo. Asinan, thu kan suahmi paruknak ah buainak kan nei ih, mipi in an theithiam lo. Taktak ih rel ahcun mipi simfiangnak ih kan thlah sungmi men a si hrih.
“Federal Democracy uknak khalah ramthen le ramkulh aiin hmunpi 14 a um thotho ding kan tinak a silo. Mipi in ziangtin kan ruat, ziangtin tuah sehla a tha ding? Ramkulh le ramthen tin hmun 14 kan neihmi cu Pidaw hmun 14 tin thleng thluh sehla a mawisawn pei maw? tin mipi thu kan suhnak men a si.
“NUG in Federal Democracy uk dan thawn pehpar aw in thu felfai kan suahmi a silo ih, mipi ruahnak kan laknak hrang kan thlahmi men a si hrih. Neta ah Federal Democracy uk dan thawn pehpar aw in thu felfai suah ding kan si,” tin a sim.
NUG cozah in Federal Democracy thawn pehpar aw in ukawknak thuhla an suahmi paruknak ah ramsung pidaw 14 an umter thotho ih, ramthen le ramkulh timi lawng an thleng. Cutikah, mipi lamin danglamnak zianghman a um lo tin an sim. Federal Democracy uknak ahcun kawl pawlin hmunpi pakhat lawng an nei ve thlang dingih, hmun 14 a um a tul nawn lo, kan zaten bangrep aw ding kan si tin mipi lam cun an sim.
Leave a Reply