Makui ramthen le Chin ramkulh ramri San khua ih um raltlan pawl cu June 2 ah ralhrang ralkap pawlin alar var tarin an va pan ih, fangfai an va pe tin a hmunih um pawl cun an sim.
A hmunih um pakhat cun “Mani ah ralhrang pawl Kyauk Htuh vanzam cawlhhmun in eiin le thilri pawl an phur ih, an suak. Mipum 200 hrawng an si ding. Alan var an tar ih, San khua ih Mindat raltlan pawl hnenah fangfai, siti le thildang neuhneuh an pe. Hrekkhat cu an tih ruangah hramlak ih relh khal an um.
“Hrekkhat cu hivek in ralhrang pawl an rat tikah tlan man tiatia khal an um. Fur caan a si tikah raltlan pawl cu an harsa ngaingai a si,” tin a sim.
“Hivekin ralhrang pawl Mindat raltlan umnak hmunih an feh ruangah raltlan hrekkhat cu tih le khur in an tlan ih, kiangkap khua pawl khal ralhrang tih ah an tlan bet a si,” tin Mindat raltlan buaipitu pawlin thu an suah.
Ralhrang pawl ih luhcilhnak San khua ahcun innkhi 240 fang lawng an um ih, Mindat ihsin raltlan ih um innsang 82 le mipum 400 tlun an um.
Leave a Reply