Sagaing ramthen kalay le Tamu karlak lamzin ah Tamu PDF komkhawm cun June 7 le 8 ah ni 2 peh in ralhrang ralkap an do ih, ni 2 peh doawknak ah ralhrang thi an tam tin thu an suah.
Tamu PDF cun “June 7 le 8 ah ralhrang ralkap thawn nasa ten Tamu lamzin ah kan do aw ih, ralhrang thi an tam. June 8 ah ralhrang tamzet le Pyu Saw Htee pawl cun kan umnak hmun in ra pan ih, doawknak a sosang. Ralhrang ralkap cun kiangkap khua pawl khal ralthuampi in an kap ciamco ih, mipi siat phah a tam.
“Nasa ten kan doawk laiah ralhrang ralkap dang an thleng bet ih, June 8 ahcun zinglam nazi 10 in zan nazi 6:30 tiang kan do aw. Ni 2 sung kan doawknak ah ralhrang thi an tam ih, a zat cekci kan fiah thei lo. Doawknak ahcun kanmah Tamu PDF lam khalin miraltha pakhat kan can ve. Culo, midang zate cu kan him thluh a si,” tin thu an suah.
Leave a Reply